珠江帝景某保安值得我们去表扬
此名保安是一个河南人，今年才25岁，前几日我阿妈喺乡下过来，岩好我唔喺屋企，我阿妈就自己过来我度揾我，点知有个保安拦住佢唔俾入，仲大声闹佢。我阿妈几十岁人，而且好少出门，遇到咁嘅情况梗系有啲惊啦，佢老人家身体唔系几好，同佢炒未到几句，一个保安仔就出来扶住我阿妈入保安室坐，仲闹嗰个态度唔好嘅保安。到咗嗰阵喺佢引导之下我阿妈先记得讲起过来揾我嘅事。保安仔打电话俾我，我嗱嗱声过去接我阿妈，好睬，有呢个保安仔，不然我阿妈嗰时连我电话号码都跌埋，加上嗰个态度恶劣嘅保安，可能我阿妈都要担心一阵啦！（我返到一样揾得到我阿妈嘅）
虽然呢件事冇咩，但系喺态度问题上面，我真系希望嗰啲保安同呢个保安仔学习吓。可惜就系我到咗依家仲唔知嗰个保安仔叫咩名。但系依家我见到佢都会亲切嘅同佢打招呼。
